கோதுமை மாவின் விலை அதிகரிப்பால் நெருக்கடியில் சிக்கிய மலையக மக்கள்

Sri Lanka Upcountry People Sri Lankan Tamils Sri Lankan Peoples Sri Lanka Government

By Thiva Oct 21, 2026 12:59 PM GMT

Thiva

in சமூகம்

Report

இலங்கையில் கோதுமை மா ஒரு கிலோகிராமின் விலை 13 ரூபாவினால் அதிகரிக்கப்பட்டுள்ள நிலையில், மலையக மக்கள் வாழ்வாதாரம் மேலும் பாதிக்கப்பட வாய்ப்பு உள்ளதாக கவலை வெளியிட்டுள்ளனர்.

இந்த விலை அதிகரிப்பு நேற்று(20.10.2026) நள்ளிரவு முதல் நடைமுறைக்கு வரும் வகையில் அறிவிக்கப்பட்டுள்ளதாக நிறுவன தரப்புகள் மற்றும் இறக்குமதியாளர்கள் தெரிவித்துள்ளனர்.

நெருக்கடியில் மலையக மக்கள்

இந்த நிலையில் பொதுமக்கள் மற்றும் தேயிலைத் தோட்டங்களில் தொழில் செய்யும் தாம், பாண், கோதுமை மாவு உள்ளிட்ட உணவுகளை இரண்டு வேளை உண்பதாகவும், தமது மக்கள் நீண்ட காலமாக கோதுமை மாவைச் சார்ந்த உணவிற்குப் பழகியுள்ளதுடன் அது தமக்கு சமைப்பதற்கு வசதியாக இருப்பதாகவும் தெரிவிக்கின்றனர்.

கோதுமை மாவின் விலை அதிகரிப்பால் நெருக்கடியில் சிக்கிய மலையக மக்கள் | Increase In The Price Of Wheat Flour

இந்த நிலையில், கோதுமை மாவின் விலை அதிகமாக இருந்தாலும் சந்தையில் கொள்வனவு செய்ய முடியாது என தெரிவிக்கும் தோட்டத் தொழிலாளர்கள், வாழ்க்கைச் செலவு அதிகரிப்பால் மூன்று வேளையும் சோறு சாப்பிட முடியாத நிலை ஏற்பட்டுள்ளதாக தெரிவிக்கின்றனர்.

பேக்கரித் தொழில் பாதிப்பு

எனவே பெருந்தோட்ட மக்களுக்கு அரசாங்கம் கோதுமை மா மானியத்தை வழங்க வேண்டுமென தோட்டத் தொழிலாளர்கள் கோரிக்கை விடுத்துள்ளனர்.

இதற்கமைய, நுவரெலியா மற்றும் ஹட்டன் போன்ற பகுதிகளில் உள்ள பல சிறிய பேக்கரி உரிமையாளர்கள் மற்றும் தொழிலாளர்கள், மா விலையேற்றத்தால் தொழிலை விட்டு விலகும் சூழல் உருவாகியுள்ளது.

அதே போன்று, பராட்டா, முட்டை ரொட்டி, கொத்து போன்ற கோதுமை மா சார்ந்த சிற்றுண்டி வகைகளின் விலைகள் சுமார் 5 ரூபாய் வரை அதிகரிக்கப்பட்டுள்ளதாகவும் அவர்கள் தெரிவித்துள்ளனர்.