லங்காசிறி FM
இம்ரான் கான் விடுதலை: நாடாளுமன்றத்தில் பிரேரணை சமர்ப்பிப்பு
Amal
in விளையாட்டு
பாகிஸ்தானின் முன்னாள் பிரதமர் இம்ரான் கானின் தடுப்புக்காவல் மற்றும் அவரது உடல்நிலை குறித்து மனிதாபிமான அடிப்படையில் மேன்முறையீடு செய்யுமாறு இலங்கை அரசாங்கத்தை வலியுறுத்தி, எதிர்க்கட்சி நாடாளுமன்ற உறுப்பினர் ஒருவரால் பிரேரணை ஒன்று சமர்ப்பிக்கப்பட்டுள்ளது.
பிரதான எதிர்க்கட்சியான ஐக்கிய மக்கள் சக்தியின் நாடாளுமன்ற உறுப்பினர் அஜித் பி. பெரேரா இந்தப் ஒத்திவைப்பு வேளைப் பிரேரணையை நாடாளுமன்றத்தில் சமர்ப்பித்தார்.
கிரிக்கெட் சாதனைகள்
சிறையிலுள்ள இம்ரான் கானின் உடல்நிலை மற்றும் நல்வாழ்வு குறித்து நம்பகமான அறிக்கைகள் கவலையைத் தோற்றுவித்துள்ளதாகக் குறிப்பிட்டுள்ள அவர், இராஜதந்திர மற்றும் நாடாளுமன்ற வழிமுறைகள் ஊடாக பாகிஸ்தான் அதிகாரிகளுடன் இலங்கை அரசாங்கம் பேச்சுவார்த்தை நடத்த வேண்டும் என வலியுறுத்தியுள்ளார்.
இம்ரான் கானுக்கு போதுமான மற்றும் சுயாதீனமான மருத்துவ வசதிகள் கிடைப்பதை உறுதி செய்யுமாறு பாகிஸ்தான் அரசாங்கத்தை இலங்கை ஊக்குவிக்க வேண்டும் என இப்பிரேரணை மூலம் கோரப்பட்டுள்ளது.
இந்த பிரேரணையில் இம்ரான் கானின் கிரிக்கெட் சாதனைகள் மற்றும் இலங்கைக்கும் அவருக்கும் இடையிலான உறவு குறித்து விசேடமாக சுட்டிக்காட்டப்பட்டுள்ளது . கடந்த 1992ஆம் ஆண்டு உலகக் கிண்ணத்தை பாகிஸ்தானுக்கு வென்று கொடுத்த இம்ரான் கான், கிரிக்கெட் விளையாட்டின் ஊடாக நாடுகளுக்கு இடையே நல்லெண்ணத்தை வளர்த்து கொண்டவர்.
சர்வதேச கிரிக்கெட் மற்றும் விளையாட்டு இராஜதந்திரத்திற்கு அவர் ஆற்றிய பங்களிப்பை அங்கீகரிக்கும் வகையில், இலங்கை பொதுமக்களின், குறிப்பாக கிரிக்கெட் சமூகத்தின் நல்லெண்ணத்தையும் உணர்வுகளையும் பாகிஸ்தான் அரசாங்கத்திற்குத் தெரிவிக்குமாறு இலங்கை அரசாங்கம் கேட்டுக்கொள்ளப்பட்டுள்ளது.
சர்வதேச மனித உரிமைத் தரநிலைகள் மற்றும் உரிய சட்ட நடைமுறைகளுக்கு இணங்க, அவரது விடுதலையை உறுதி செய்யுமாறு மனிதாபிமானக் கோரிக்கையை முன்வைக்க வேண்டும் என பிரேரணை வலியுறுத்தப்பட்டுள்ளது.
இந்நிலையில் பிரேரணை தொடர்பாக இலங்கை அரசாங்கத்திடமிருந்து இதுவரை உத்தியோகபூர்வ பதில்கள் எதுவும் வெளிவரவில்லை. மாறாக ஜனநாயக விழுமியங்கள் மற்றும் மனிதாபிமானக் கொள்கைகளுக்கு இலங்கையின் அர்ப்பணிப்பை உறுதிப்படுத்தும் வகையில் நிறைவு பெற்றுள்ளதாக தெரிவிக்கப்பட்டுள்ளது.
மீனாவுக்கு சர்ப்ரைஸ் கொடுத்த முத்து.. ரோகிணியுடன் மீண்டும் இணைந்துவிட்ட மனோஜ்.. சிறகடிக்க ஆசை சீரியல் Cineulagam
சரவணன், அஞ்சலியை ஒரே இடத்தில் பார்த்து அதிர்ச்சியடையும் மீனா.. பாண்டியன் ஸ்டோர்ஸ் 2 புரோமோ வீடியோ Cineulagam
உயில் கிடைத்தவுடன் மீண்டும் வீட்டிற்குள் வந்த அய்யனார் துணை குடும்பம்.. அடுத்து நடக்கப்போகும் விஷயம் இதுதான் Cineulagam
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
Kathirippai, அச்சுவேலி, விசுவமடு
19 Feb, 1997
