லங்காசிறி FM
430 ஓட்டங்கள் என்ற இமாலய இலக்கு! இங்கிலாந்தை வீழ்த்தி இலங்கை அணி வரலாற்று வெற்றி!
பாகிஸ்தானில் நடைபெற்று வரும் மும்முனை ஒருநாள் சர்வதேச கிரிக்கெட் தொடரின் மூன்றாவது போட்டியில், இங்கிலாந்து அணியை வீழ்த்தி இலங்கை அணி அபார வெற்றியைப் பதிவு செய்துள்ளது.
ராவல்பிண்டியில் நடைபெற்ற இப்போட்டியில் நாணயச் சுழற்சியில் வெற்றி பெற்ற இங்கிலாந்து அணி முதலில் துடுப்பெடுத்தாடத் தீர்மானித்தது.
இலங்கை அணி
இதன்படி, 50 ஓவர்கள் நிறைவில் 4 விக்கெட்டுகளை இழந்து 429 ஓட்டங்களைக் குவித்தது.
இங்கிலாந்து அணியின் அணித்தலைவர் ஹரி புரூக் அதிரடியாகத் துடுப்பெடுத்தாடி 116 பந்துகளில் 202 ஓட்டங்களைக் குவித்தார். வில் ஜாக்ஸ் 30 பந்துகளில் ஆட்டமிழக்காமல் 66 ஓட்டங்களையும், ஜோ ரூட் 69 ஓட்டங்களையும் பெற்றனர்.
இலங்கை அணி சார்பில் பந்துவீச்சில் சிறப்பாகச் செயற்பட்ட துனித் வெல்லாலகே 56 ஓட்டங்களை விட்டுக்கொடுத்து 2 விக்கெட்டுகளைக் கைப்பற்றினார்.
430 ஓட்டங்கள் என்ற கடினமான வெற்றி இலக்குடன் பதிலுக்குத் துடுப்பெடுத்தாடிய இலங்கை அணிக்கு ஆரம்பமே அதிர்ச்சியாக அமைந்தது.
குசல் மெண்டிஸ் ஓட்டமெதுவும் பெறாமல் ஆட்டமிழந்ததுடன், கமிந்து மெண்டிஸ் 18 ஓட்டங்களுடன் வெளியேறினார்.
எனினும், பவன் ரத்நாயக்க மற்றும் அவிஷ்க பெர்னாண்டோ ஆகியோர் சிறப்பான ஆட்டத்தை வெளிப்படுத்தி இலங்கை அணியின் வெற்றி வாய்ப்பை வலுப்படுத்தினர்.
இமாலய இலக்கு
பவன் ரத்நாயக்க 106 பந்துகளில் 130 ஓட்டங்களையும், அவிஷ்க பெர்னாண்டோ 83 பந்துகளில் 97 ஓட்டங்களையும் பெற்றனர். தொடர்ந்து துடுப்பெடுத்தாடிய தசுன் ஷானக்க 50 பந்துகளில் 97 ஓட்டங்களைக் குவித்து ஆட்டமிழந்தார்.
மறுமுனையில் அதிரடியைத் தொடர்ந்த ஜனித் லியனகே, 27 பந்துகளில் 7 பவுண்டரிகள் மற்றும் 3 சிக்ஸர்கள் அடங்கலாக ஆட்டமிழக்காமல் 61 ஓட்டங்களைப் பெற்று இலங்கை அணியின் வெற்றியை உறுதிப்படுத்தினார்.
இறுதியில் இலங்கை அணி 49.5 ஓவர்களில் 8 விக்கெட்டுகளை இழந்து 430 ஓட்டங்களைப் பெற்று, இன்னும் ஒரு பந்து மீதமிருக்கையில் 2 விக்கெட்டுகளால் வெற்றியீட்டியது.
இங்கிலாந்து அணி சார்பில் ஜோஷ் டங் 3 விக்கெட்டுகளையும், சாம் கரன் 2 விக்கெட்டுகளையும் வீழ்த்தினர்.
இமாலய இலக்கை வெற்றிகரமாகத் துரத்திப் பிடித்த இலங்கை அணியின் இந்த வெற்றி, போட்டித் தொடரில் முக்கியத்துவம் வாய்ந்த சாதனையாக அமைந்துள்ளது.
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024