யாழ். போதனா வைத்தியசாலை சுகாதார ஊழியர் பணிப்புறக்கணிப்பு

புதிய இணைப்பு

நாடளாவிய ரீதியில் இரண்டாவது நாளாகவும், மேற்கொள்ளப்படும் சுகாதார பணியாளர்களின் பணி பகிஷ்கரிப்பு போராட்டம் யாழ்.போதனா வைத்தியசாலையிலும் இடம்பெற்றுள்ளது.

யாழ்.போதனா வைத்தியசாலையில் இன்றையதினம்(14.02.2024) இலங்கை விமானப்படையினர் நோயாளர் உதவிப் பணிகளுக்காக கடமையில் ஈடுபட்டுள்ளதாக தெரிவிக்கப்படுகின்றது.

நேற்றைய தினம்(13.02.2024) நாடளாவிய ரீதியில் 72 சுகாதார தொழிற்சங்கங்களைச் சேர்ந்த ஊழியர்கள் காலை 6.30 முதல் தொடர் பணிப்பகிஷ்கரிப்பில் ஈடுபட்டுள்ளமை குறிப்பிடத்தக்கது. 

முதலாம் இணைப்பு

நாடளாவிய ரீதியில்  72 சுகாதார தொழிற்சங்கங்கள் இன்று (13.2.2024) காலை 06.30 மணி முதல் வேலை நிறுத்தத்தில் ஈடுபட தீர்மானித்துள்ளன.

அந்தவகையில், சுகாதார பணியாளர்களின் பணிப்புறக்கணிப்பு போராட்டம் யாழ்ப்பாணம் போதனா வைத்தியசாலையிலும் இடம்பெறுகின்றது.

சுகாதார தொழிற்சங்கங்களின் கூட்டமைப்பு

வைத்தியர்களுக்கு வழங்கப்படும் DAT கொடுப்பனவுக்கு இணையான கொடுப்பனவை தங்களுக்கும் வழங்குமாறு கோரி இந்த வேலை நிறுத்தத்தில் ஈடுபடவுள்ளதாக சுகாதார தொழிற்சங்கங்களின் கூட்டமைப்பின் ஏற்பாட்டாளர் ரவி குமுதேஷ் தெரிவித்துள்ளார்.

எவ்வாறாயினும் குறித்த பணிப்புறக்கணிப்பு போராட்டத்தில் வைத்தியர்கள் ஈடுபட மாட்டார்கள் என்றும் தெரிவிக்கப்பட்டுள்ளது.

இந்நிலையில் சுகாதார பணியாளர்களின்  போராட்டம் காரணமாக யாழ். போதனா வைத்தியசாலையில் நோயாளர்கள் பாதிக்கப்பட்டுள்ளதாக தெரிவிக்கப்படுகின்றது.

மன்னாரில் பணிப் பகிஷ்கரிப்பு

மன்னார் மாவட்ட பொது வைத்தியசாலையில் சுகாதார தொழிற்சங்கங்களின் உறுப்பினர்கள் தொடர்ச்சியான பணிப் பகிஷ்கரிப்பை முன்னெடுத்துள்ளனர்.

நிதியமைச்சுடன் நேற்றைய தினம் நடைபெற்ற பேச்சுவார்த்தை தோல்வியடைந்த நிலையிலேயே இன்று (13.02.2024) காலை முதல் இந்த தொடர்ச்சியான வேலை நிறுத்த போராட்டம் முன்னெடுக்கப்பட்டுள்ளது.

வைத்தியர்களுக்கான சேவைக்கால வருகை மற்றும் போக்குவரத்து கொடுப்பனவு ரூபா 35,000இலிருந்து ரூபா 70,000ஆக அதிகரிக்க நடவடிக்கை எடுக்கப்பட்டிருந்தது.

இதனையடுத்து, குறித்த கொடுப்பனவை ஏனைய சுகாதாரத் துறை ஊழியர்களுக்கும் வழங்க வேண்டும் என்பதோடு அரசாங்கத்தின் முடிவுக்கு எதிர்ப்பு தெரிவிக்கும் வகையிலும் இந்த வேலைநிறுத்தம் மேற்கொள்ளப்பட்டுள்ளது.

செய்தி - ஆசிக்

யாழில் இருந்து தம்புள்ளைக்கு மரக்கறிகள்: ஏற்பட்டுள்ள பாரிய விலை வீழ்ச்சி

மட்டக்களப்பு மாவட்ட அபிவிருத்திக் குழுக் கூட்டத்திற்கு சில ஊடகவியலாளர்களுக்கு அனுமதி மறுப்பு

வெளிநாட்டிலிருந்து இலங்கை வந்த இளைஞன் பலி : இளம் மனைவி தவிப்பு