லங்காசிறி FM
தங்க அடகுக் கடன் தொடர்பில் மத்திய வங்கியின் விசேட அறிவிப்பு
தங்கக் கடன்களுக்கான அதிகபட்ச கடன் மற்றும் மதிப்பு விகிதத்தை 70 சதவீதமாக குறைக்க இலங்கை மத்திய வங்கி நடவடிக்கை எடுத்துள்ளது.
இலங்கையின் நிதித் தொகுதியின் ஸ்திரத்தன்மையை உறுதிப்படுத்துவதையும் அபாய மேலாண்மையையும் நோக்கமாகக் கொண்டு இந்த நடவடிக்கை எடுக்கப்பட்டுள்ளது.
2023 ஆம் ஆண்டின் 16 ஆம் இலக்க இலங்கை மத்திய வங்கிச் சட்டத்தின் 105(1) பிரிவின்படி, நிதி மேற்பார்வை அதிகாரியாக மத்திய வங்கி ஆளுநர் கலாநிதி பி. நந்தலால் வீரசிங்கவின் கையொப்பத்துடன் இந்த புதிய அறிவுறுத்தல் கோவை வெளியிடப்பட்டுள்ளது.
இன்று (2026 மே 25) முதல் இந்த உத்தரவு உடனடியாக அமலுக்கு வருவதாக அறிவிக்கப்பட்டுள்ளது.
அனைத்து உரிமம் பெற்ற வர்த்தக வங்கிகள், உரிமம் பெற்ற விசேட வங்கிகள் மற்றும் உரிமம் பெற்ற நிதி நிறுவனங்கள் இந்த விதியை கண்டிப்பாக பின்பற்ற வேண்டும் என அறிவிக்கப்பட்டுள்ளது.
இன்று முதல் புதிதாக வழங்கப்படும் தங்கக் கடன்கள் மற்றும் புதுப்பிக்கப்படும் தங்கக் கடன்கள் ஆகிய அனைத்திற்கும் இந்த 70% அதிகபட்ச எல்லை பொருந்தும் என அறிவிக்கப்பட்டுள்ளது.
அடகு வைக்கும் வசதிகள், தங்கக் கடன்கள் மற்றும் தங்கத்தை பிணையாக வைத்து வழங்கப்படும் வேறு எந்தவொரு கடன் அல்லது நிதி வசதிகளும் இந்த புதிய உத்தரவின் கீழ் கொண்டுவரப்பட்டுள்ளன.
தங்கத்தின் மதிப்பாக அதன் தற்போதைய சந்தை மதிப்பே கணக்கில் எடுத்துக்கொள்ளப்பட வேண்டும் என அறிவிக்கப்பட்டுள்ளது.
கடன் வழங்கப்படும் நேரத்தில் செய்யப்படும் மதிப்பீடானது, பிணையாக வைக்கப்படும் தங்கத்தின் துல்லியமான மற்றும் நியாயமான மதிப்பை பிரதிபலிக்கிறது என்பதை வங்கிகளும் நிதி நிறுவனங்களும் உறுதி செய்ய வேண்டும் என தெரிவிக்கப்பட்டுள்ளது.
தங்கத்தை மதிப்பிடுவதற்காக தற்போது பயன்படுத்தப்பட்டு வரும் விவேகமான நடைமுறைகளை (Prudent Practices) தொடர்ந்து பின்பற்றுமாறும் நிறுவனங்களுக்கு அறிவுறுத்தப்பட்டுள்ளது.
நிதி நிறுவனங்களின் கடன் வழங்கும் தரத்தை வலுப்படுத்துவதன் மூலம், நாட்டின் ஒட்டுமொத்த நிதித் தொகுதியின் பாதுகாப்பையும் ஸ்திரத்தன்மையையும் உறுதி செய்வதே இதன் முக்கிய நோக்கமாகும் என மத்திய வங்கி வலியுறுத்தியுள்ளது.
செவ்வாய் - குரு உருவாக்கும் திரிஏகாதச யோகம்... ஜூன் மாதத்தில் இந்த ராசிகளுக்கு பணமழை உறுதி! Manithan
இதுதான் உங்க குழந்தை இல்லையே.. தங்கமயில் சொன்ன வார்த்தையால் அதிர்ச்சியில் சரவணன்! பாண்டியன் ஸ்டோர்ஸ் சீரியல் Cineulagam
குடும்பத்தினரைப் பார்க்காமல் நான்கு ஆண்டுகள்... வெளிநாட்டில் கோர விபத்தில் சிக்கிய ஆசிய இளைஞர் News Lankasri
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புளியந்தீவு, Toronto, Canada, புங்குடுதீவு, மட்டக்களப்பு
25 May, 2026
கண்டாவளை, பிரான்ஸ், France, பின்லான்ட், Finland, புளியம்பொக்கணை
21 May, 2021
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
