பாரிய வீதி அபிவிருத்தி திட்டங்களை துரிதமாக முடிவுறுத்த நடவடிக்கை

Batticaloa Eastern Province

By Rusath Oct 14, 2026 10:44 AM GMT

Rusath

in சமூகம்

Report

எல்நினோ காலநிலை பாதிப்புக்கு முன்னர் முன்னெடுக்கப்படும் பாரிய வீதி அபிவிருத்தி திட்டங்கள் குறித்து கலந்துரையாடப்பட்டுள்ளது.

குறித்த கலந்துரையாடலானது இன்று(14.10.2026) நாடாளுமன்ற உறுப்பினர் கந்தசாமி பிரபு தலைமையில் பழைய மாவட்ட செயலகத்தில் நடைபெற்றது.

இதன்போது, மாவட்டத்தின் போக்குவரத்து உட்கட்டமைப்பு அபிவிருத்தி, கிராமிய வீதிகள் மற்றும் பாலங்களின் நிர்மாணப் பணிகளின் முன்னேற்றம், வீதி அபிவிருத்தி அதிகார சபையின் திட்டங்கள் மற்றும் பொதுப் போக்குவரத்துச் சேவைகள் தொடர்பாகக் கலந்துரையாடப்பட்டன.

அபிவிருத்தித் திட்டங்கள்

டித்வா புயலினால் பாதிக்கப்பட்ட பாலங்களின் நிர்மாணப் பணிகளின் முன்னேற்றம், மாவட்டத்தில் நடைமுறைப்படுத்தப்படும் அபிவிருத்தித் திட்டங்கள், மற்றும் பயணிகள் போக்குவரத்து தொடர்பான பிரச்சினைகள் குறித்தும் ஆராயப்பட்டன.

பாரிய வீதி அபிவிருத்தி திட்டங்களை துரிதமாக முடிவுறுத்த நடவடிக்கை | El Nino Major Road Development Projects

இதன்போது வீதி அபிவிருத்தி அதிகார சபையின் மாகாணப் பணிப்பாளர், வீதி அபிவிருத்தித் திணைக்களத்தின் மாகாணப் பணிப்பாளர், பிரதேச செயலாளர்கள், திணைக்களத் தலைவர்கள், அரச உயர் அதிகாரிகள் மற்றும் துறைசார் நிபுணர்கள் என பலரும் கலந்து கொண்டிருந்தனர்.