மற்றுமொரு சட்ட சிக்கலுக்கு உள்ளான டயனா கமகே

இங்கிலாந்து குடியுரிமை பெற்ற டயனா கமகே (Diana Gamage), உயர்நீதிமன்றத்தின் தீர்ப்பின்படி தனது நாடாளுமன்ற உறுப்பினர் பதவியை இழந்துள்ளதை அடுத்து மற்றுமொரு சட்டச் சிக்கலுக்கு உள்ளாகியுள்ளார்.

டயனா இறுதியாக 2014இல் சுற்றுலா பயணியாக இலங்கைக்கு (Sri Lanka) வந்ததிலிருந்து செல்லுபடியாகும் வீசா இன்றி எப்படி இலங்கையில் வாழ்ந்தார் என்பது குறித்து சட்டமா அதிபருடன் ஆலோசிக்க குடிவரவு அதிகாரிகள் திட்டமிட்டுள்ளனர்.

பாகிஸ்தானிடம் இருக்கும் அணுகுண்டு: எழுந்துள்ள சர்ச்சை

நீதிமன்ற சாட்சியங்கள் 

முன்னதாக டயனா கமகே இங்கிலாந்து (England) குடியுரிமையைப் பெற்றதன் பின்னர், சட்டத்தின்படி இலங்கையின் பிரஜை என்ற அந்தஸ்தை தொடரத் தவறிவிட்டார் என்பதை நீதிமன்றத்தின் முன் உள்ள சாட்சியங்கள் உறுதிப்படுத்தியுள்ளன.

எனவே, இலங்கையர் அல்லாத இவர் உரிய ஆவணங்கள் ஏதுமின்றி நாட்டில் எப்படி வாழ்ந்தார் என்ற கேள்வி எழுந்துள்ளது.

இதன்படி, புலம்பெயர்ந்தோர் சட்டத்தை மீறி போலி ஆவணத்தை பயன்படுத்தி அவர் நாட்டில் வசித்து வந்ததாக குற்றப் புலனாய்வு திணைக்களம் முன்னதாக நீதிமன்றில் தெரிவித்துள்ளது.

எனினும், குடிவரவு அதிகாரிகள் இதனை கவனித்தார்களா என்ற கேள்விக்கு, பொது பாதுகாப்பு அமைச்சின் செயலாளர் வியானி குணதிலக்க (Viyani Gunatilake) தாம் சட்டமா அதிபரிடம் அறிவுறுத்தல்களை கோரியுள்ளோம் என்று பதிலளித்துள்ளார்.

முன்னதாக நடிகையாக இருந்து அரசியல்வாதியாக மாறிய கீதா குமாரசிங்க இலங்கை மற்றும் சுவிட்சர்லாந்தில் இரட்டைக் குடியுரிமை காரணமாக தனது நாடாளுமன்ற உறுப்பினர் பதவியை இழந்தார்.

இரட்டைக் குடியுரிமை

அரசியலமைப்பின் 19ஆவது திருத்தம் இணைக்கப்பட்டபோது, இரட்டை குடியுரிமை பெற்றவர்கள் ஜனாதிபதி அல்லது நாடாளுமன்ற உறுப்பினர்களாக தேர்தலில் போட்டியிட தடை விதிக்கப்பட்டுள்ளது.

இதன் காரணமாக முன்னாள் ஜனாதிபதி கோட்டாபய ராஜபக்ச (Gotabaya Rajapaksa) 2019 ஜனாதிபதி தேர்தலில் போட்டியிடுவதற்காக தனது அமெரிக்க குடியுரிமையை கைவிட வேண்டியிருந்தது.

எவ்வாறாயினும், அவரது அரசாங்கத்தின் கீழ் அரசியலமைப்பின் 20ஆவது திருத்தம் நிறைவேற்றப்பட்டு, இதன் மூலம் இரட்டை குடியுரிமை பெற்றவர்கள் மீண்டும் நாடாளுமன்றத்திற்கு வருவதற்கு ஏற்பாடு செய்யப்பட்டது.

புதிய சட்டத்தின் கீழ் இலங்கை மற்றும் அமெரிக்கா ஆகிய இரு நாடுகளிலும் குடியுரிமை பெற்றிருந்த போதிலும் பசில் ராஜபக்ச சபைக்கு பரிந்துரைக்கப்பட்டார்.

இருப்பினும், அடுத்த அரசியலமைப்பு திருத்த சட்டத்தில் அது மீண்டும் நீக்கப்பட்டது. 

வங்கி வட்டி வீதங்கள் தொடர்பில் ஜனாதிபதி ரணில் அதிரடி உத்தரவு

ஜனாதிபதி தேர்தல் வெற்றி குறித்து மொட்டு கட்சியின் நிலைப்பாடு