விழிப்புடன் செயற்படுவது அவசியம்! இலங்கை மத்திய வங்கி விடுத்துள்ள எச்சரிக்கை

Central Bank of Sri Lanka Economy of Sri Lanka

By Dhayani Oct 18, 2026 01:38 AM GMT

Dhayani

in சமூகம்

Report

இலங்கையின் ஒட்டுமொத்த நிதி அமைப்பின் பாதுகாப்பிற்கு, செயல்பாட்டு மற்றும் இணையப் பாதுகாப்பு மீள்திறனை (Operational and Cyber Resilience) வலுப்படுத்துவது மிகவும் முக்கியமானது என்று இலங்கை மத்திய வங்கி (CBSL) வலியுறுத்தியுள்ளது.

இலங்கை மத்திய வங்கி சமீபத்திய அறிக்கை ஒன்றில் இதனை வெளிப்படுத்தியுள்ளது.

திருட்டு சம்பவங்கள் அதிகரிப்பு

அதிகரித்து வரும் எண்ணிமமயமாக்கல், விரிவடைந்து வரும் டிஜிட்டல் தொழில்நுட்பம் மற்றும் மூன்றாம் தரப்பு சேவை வழங்குநர்கள் மீதான அதிகரித்து வரும் சார்புநிலை ஆகியவை நிதி அமைப்பை இணைய மற்றும் செயல்பாட்டு அபாயங்களுக்கு உள்ளாக்கும் வாய்ப்பை அதிகரிக்கக்கூடும் என்றும் மத்திய வங்கி சுட்டிக்காட்டுகின்றது.

விழிப்புடன் செயற்படுவது அவசியம்! இலங்கை மத்திய வங்கி விடுத்துள்ள எச்சரிக்கை | Central Bank Warns On Cyber Security

இந்த சூழலில், அமைப்பு ரீதியாக முக்கியத்துவம் வாய்ந்த ஒரு நிதி நிறுவனம் அல்லது முக்கிய நிதிச்சந்தை உள்கட்டமைப்பைப் பாதிக்கும் ஒரு குறிப்பிடத்தக்க இணைய அச்சுறுத்தல் சம்பவம், அத்தியாவசிய நிதிச் சேவைகளை வழங்குவதைத் தடைசெய்யவும், பணம் செலுத்துதல் மற்றும் தீர்வு செய்வதில் இடையூறு ஏற்படுத்தவும், நிதி அமைப்பின் மீதான நம்பிக்கையைக் குலைக்கவும் ஆற்றல் கொண்டது என்று மத்திய வங்கி வலியுறுத்துகிறது.

ஒழுங்குமுறை ஆணையத்திடம் தெரிவிக்கப்பட்ட சம்பவங்களின்படி, எண்ணிம மோசடி மற்றும் தனிப்பட்ட தரவு திருட்டு தொடர்பான சம்பவங்கள் அதிகரித்து வருகின்றன.

எதிர்காலத்தில் இது தொடர்பாக தொடர்ந்து விழிப்புடன் இருப்பது அவசியம் என்றும் குறிப்பிடுகின்றது.