நைஜீரியாவில் 200 பேருடன் கவிழ்ந்த படகு : 27 பேர் உயிரிழப்பு

Nigeria World Niger

By Rukshy Dec 01, 2024 02:43 AM GMT

Rukshy

in உலகம்

Report

நைஜீரியாவில் (Nigeria) இடம்பெற்ற படகு விபத்தில் 27 பேர் உயிரிழந்துள்ளதாக அந்நாட்டு ஊடகங்கள் செய்தி வெளியிட்டுள்ளன.

கொகி மாநிலத்திலிருந்து நைஜரை (Niger ) நோக்கி 200க்கும் அதிகமானவர்களுடன் பயணித்துக் கொண்டிருந்த படகே விபத்திற்குள்ளாகியது என தகவல்கள் வெளியாகியுள்ளன.

இதில் சிக்கிய 100க்கும் அதிகமானவர்கள் காணாமல் போயுள்ளனர் என அதிகாரிகள் தெரிவித்துள்ளனர்.

போதிய தரமான தரைவழிப்பாதைகள் இன்மை

எனினும், விபத்து இடம்பெற்று 12 மணித்தியாலத்தின் பின்னரும் எவரும் உயிருடன் மீட்கப்படவில்லை எனவும் அவர்கள் தெரிவித்துள்ளனர்.

நைஜீரியாவில் 200 பேருடன் கவிழ்ந்த படகு : 27 பேர் உயிரிழப்பு | Boat Carrying 200 People Capsizes Nigeria 27 Dead

அதிகளவானவர்கள் ஏற்றப்பட்டதால் படகு கவிழ்ந்திருக்கலாம் என அதிகாரிகள் தெரிவித்துள்ளனர்.

குறிப்பாக, நைஜீரியாவில் போதிய தரமான தரைவழிப்பாதைகள் இன்மையால் படகுகளில் மக்கள் நெரிசலாக பயணம் செய்வது வழமையான விடயம்.

இந்தநிலையில், அதிகளவு மக்களை ஏற்றும் போது போதியளவு பாதுகாப்பு இன்மையே படகு விபத்துக்கள் இடம்பெறுவதற்கு காரணமாக அமைகிறது என தெரிவிக்கப்படுகின்றது.

இவ்வாறான விபத்துக்கள் தொடர்ச்சியாக இடம்பெற்றுவருவது நைஜீரியாவில் கவலைக்குரிய விடயமாக மாறியுள்ளதுடன், ஆபிரிக்காவின் சனத்தொகை அதிகமான நாட்டில் பாதுகாப்பு கட்டுப்பாடுகளை நடைமுறைப்படுத்துவதில் அதிகாரிகள் சவால்களை எதிர்கொண்டுள்ளமை குறிப்பிடத்தக்கது.