லங்காசிறி FM
ட்ரம்பை திட்டமிட்டு ஏமாற்றிய நெதன்யாகுவின் சூட்சுமம்! ஈரான் விவகாரத்தில் கொந்தளிக்கும் அமெரிக்கா
அமெரிக்கத் துணை ஜனாதிபதி ஜே.டி. வான்ஸ் மற்றும் இஸ்ரேலியப் பிரதமர் பெஞ்சமின் நெதன்யாகு ஆகியோருக்கு இடையே அண்மையில் நடந்த தொலைபேசி உரையாடல் பெரும் பரபரப்பை ஏற்படுத்தியுள்ளது.
ஈரான் போர் தொடர்பாக நெதன்யாகு முன்வைத்த மிகையான எதிர்பார்ப்புகளை வான்ஸ் கடுமையாகச் சாடியதாக சர்வதேச தளம் ஒன்று செய்தி வெளியிட்டுள்ளது.
ஈரானில் ஆட்சி மாற்றம் (Regime Change) என்பது மிகவும் எளிதானது என்றும், அது நடப்பதற்கான வாய்ப்புகள் அதிகம் என்றும் போருக்கு முன்னதாக நெதன்யாகு, ட்ரம்பிடம் உறுதி அளித்திருந்தார்.
ஆனால், கள நிலவரம் அவ்வாறு இல்லாததைச் சுட்டிக்காட்டிய ஜே.டி. வான்ஸ், நெதன்யாகுவின் இந்த "விற்பனைத் திறனை" (Bibi really sold it) விமர்சித்துள்ளார்.
இஸ்ரேலின் சதி
அதாவது, போரின் சவால்களை மறைத்து, அது எளிதாக முடிந்துவிடும் என்ற பிம்பத்தை நெதன்யாகு உருவாக்கியதாக வான்ஸ் கருதுகிறார். இந்த மோதலுக்குப் பிறகு, இஸ்ரேல் திட்டமிட்டே ஜே.டி. வான்ஸின் பிம்பத்தைச் சிதைக்க முயற்சிப்பதாக அமெரிக்க அதிகாரிகள் குற்றம் சாட்டியுள்ளனர்.
ஈரானுடனான போர் நிறுத்தப் பேச்சுவார்த்தையில் வான்ஸ் முக்கியப் பங்காற்றி வருகிறார். வெளிநாட்டுப் போர்களில் அமெரிக்கா நீண்டகாலம் ஈடுபடுவதை ஆரம்பத்திலிருந்தே எதிர்த்து வரும் வான்ஸ், ஸ்டீவ் விட்காஃப் மற்றும் ஜாரெட் குஷ்னர் ஆகியோருடன் இணைந்து அமைதிப் பேச்சுவார்த்தைகளை முன்னெடுத்து வருகிறார்.
இந்நிலையில், "வான்ஸுடன் பேச்சுவார்த்தை நடத்துவதையே ஈரான் விரும்புகிறது" என்று வெளியாகும் செய்திகள், அவருக்கு எதிராக இஸ்ரேல் நடத்தும் ஒரு சதி (Israeli op) என்று ஒரு அதிகாரி தெரிவித்துள்ளார்.
இருப்பினும், ஈரானைப் பொறுத்தவரை ஒரு சுமுகமான உடன்படிக்கைக்கு வருவதற்கு ஜே.டி. வான்ஸ் மட்டுமே சிறந்த மற்றும் ஒரே வழி என்று மற்றொரு மூத்த அமெரிக்க அதிகாரி குறிப்பிட்டுள்ளார்.
You May Like This Video
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
