லங்காசிறி FM
எயார்பஸ் விவகாரம் - பணம் கைமாற்றப்பட்ட வங்கிக்கணக்குகளை கண்டுபிடிக்க அவுஸ்திரேலியா புறப்படும் முக்கிய குழு
ஸ்ரீலங்கன் எயார்லைன்ஸ் நிறுவனத்திற்கான எயார்பஸ் (Airbus) விமானக்கொள்வனவில் இலஞ்சம் பெற்றதாக கூறப்படும் விவகாரம் தொடர்பில் முக்கிய சந்தேகநபர்களையும், சாட்சிகளையும் கண்டுபிடிக்க முக்கிய அதிகாரிகள் குழுவொன்று அவுஸ்திரேலியாவுக்கு பயணிக்க உள்ளதாக தகவல் வெளியாகியுள்ளது.
இலஞ்சம் மற்றும் ஊழல் விசாரணை ஆணைக்குழு (CIABOC) மற்றும் குற்றப்புலனாய்வு திணைக்களத்தின் சிறப்பு குழு அவுஸ்திரேலியாவுக்கு பயணிக்க உள்ளது.
சாட்சிகளிடமிருந்து வாக்குமூலங்களை பதிவுசெய்ய திட்டம்
ஸ்ரீலங்கன் எயார்லைன்ஸ் நிறுவனம் பத்து விமானங்களை கொள்வனவு செய்வதற்காக, 2013 ஆம் ஆண்டில் ஒரு ஐரோப்பிய விமான நிறுவனத்திடமிருந்து 2 மில்லியன் அமெரிக்க டொலர் இலஞ்சம் பெற்ற வழக்கில் முக்கிய சந்தேகநபர்களை தேடி குழு பயணிக்கவுள்ளது.
எயார்பஸ் இலஞ்ச பரிவர்த்தனையில் பணம் மாற்றப்பட்டதாக கூறப்படும் வங்கிக்கணக்குகளை வைத்திருந்ததாக கூறப்படும், அவுஸ்திரேலியாவில் வசிக்கும் சந்தேகநபர்கள் மற்றும் சாட்சிகளிடமிருந்து வாக்குமூலங்களை பதிவு செய்வதற்கும், ஆதாரங்களை கண்டறிவதற்கும் இந்த கூட்டு நடவடிக்கை தொடங்கப்பட்டுள்ளது.
இலஞ்ச பணம் அனுப்பப்பட்டதாக கூறப்படும் வங்கிக்கணக்கின் உரிமையாளர் என்று கூறப்படும் டபிள்யூ. டி. நிமல் பெரேரா, அவுஸ்திரேலியாவில் வசித்து வருவதாக இலஞ்ச ஆணையம் முன்னதாக நீதிமன்றத்தில் தெரிவித்திருந்தது.
இந்த சம்பவத்தின் பிரதான சந்தேகநபர்களான, காலஞ்சென்ற கபில சந்திரசேனவின் மனைவி பிரியங்கா நியோமாலி விஜேநாயக்க மற்றும் முன்னாள் அமைச்சர் சமல் ராஜபக்சவின் மகன் ஷமிந்திர ராஜபக்ச ஆகியோர் வெளிநாட்டில் உள்ளனர்.
நீதிமன்றங்களால் பிடியாணை உத்தரவு
இவர்களுக்கு எதிராக கொழும்பு மற்றும் கோட்டை நீதவான் நீதிமன்றங்களால் பிடியாணை உத்தரவுகளும் பிறப்பிக்கப்பட்டுள்ளன.
கொழும்பு பிரதான நீதவான் நீதிமன்றத்தில் இலஞ்ச ஆணைக்குழுவும், கோட்டை நீதவான் நீதிமன்றத்தில் சி.ஐ.டி.யும் இந்த வழக்கை தாக்கல் செய்துள்ளன.
புருனேயில் போலி நிறுவனத்தை நிறுவியமை மற்றும் ஒரு புகழ்பெற்ற ஐரோப்பிய சிவில் விமானப் போக்குவரத்து நிறுவனத்திடமிருந்து (ஐரோப்பிய வானூர்தி பாதுகாப்பு மற்றும் விண்வெளி நிறுவனம் (EADS)) 1,454,645.54 யூரோக்கள் (இரண்டு மில்லியன் அமெரிக்க டொலர்கள்) இலஞ்சம் பெற்றமை தொடர்பாக இந்த விசாரணை நடத்தப்பட்டு வருகின்றது.
ஈழப் போராட்டத்தில் யோதலிங்கம் கிளர்ச்சியின் குறியீடு 16 மணி நேரம் முன்
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024