லங்காசிறி FM
புத்தளம் - அனுராதபுரம் வீதியில் இடம்பெற்ற விபத்தில் ஒருவர் பலி
புத்தளம் (Puttalam) - அனுராதபுரம் (Anuradhapura) வீதியில் வவுனியாவிலிருந்து கொழும்பு நோக்கிச் சென்ற தனியார் பேருந்தொன்று விபத்துக்குள்ளானதில் ஒருவர் ஸ்தலத்திலேயே உயிரிழந்துள்ளார்.
வவுனியாவிலிருந்து (Vavuniya) கொழும்பு (Colombo) நோக்கிச் சென்ற தனியார் பேருந்தொன்று வீதிக்கு செலுத்த முற்பட்ட லொறியில் மோதி விபத்துக்குள்ளாகி பின்னர் நிறுத்தி வைக்கப்பட்டிருந்த மற்றுமொரு லொறியின் மீது மோதியுள்ளது.
குறித்த விபத்துச் சம்பவம் இன்று (19) காலை புத்தளம் அநுராதபுரம் பிரதான வீதியின் ஆறாம் கட்டைப் பகுதியில் இடம்பெற்றுள்ளது.
இதன்போது, பேருந்தின் மிதிப்பலகையில் நின்றுக்கொண்டிருந்த இருவர் தவறுதலாக வீழ்ந்துள்ள நிலையில் ஒருவர் மீது பேருந்து ஏறியுள்ள நிலையில் அவர் ஸ்தலத்திலேயே உயிரிழந்துள்ளார்.
கைது நடவடிக்கை
மேலும், மற்றுமொருவர் பலத்த காயங்களுக்கு உள்ளாகிய நிலையில் அங்கிருந்தவர்கள் உடனடியாக புத்தளம் ஆதார வைத்தியசாலைக்குக் கொண்டு சென்றுள்ளனர்.
விபத்தில் உயிரிழந்தவர் கருவலகஸ்வெவ 18ஆம் கட்டைப் பகுதியைச் சேர்ந்த 44 வயதுடையவரென போக்குவரத்து பொலிஸார் தெரிவித்துள்ளனர்.
இந்நிலையில், உயிரிழந்தவரின் சடலம் புத்தளம் ஆதார வைத்தியசாலையில் பிரேத அரையில் வைக்கப்பட்டுள்ளதுடன் பேருந்தின் சாரதி மற்றும் நடத்துனர் ஆகியோர் கைது செய்யப்பட்டுள்ளதுடன் லொறியின் சாரதியும் கைது செய்யப்பட்டுள்ளார்.
அதேவேளை, குறித்த விபத்துச் சம்பவம் தொடர்பில் மேலதிக விசாரணைகளை மேற்கொண்டு வருவதாக புத்தளம் போக்குவரத்து பொலிஸார் குறிப்பிட்டுள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
