இலங்கை அணிக்கு குவியும் வாழ்த்து: ஆசிய கிண்ண வடிவ கேக் வெட்டிய தசுன் ஷானக
கடந்த 11 ஆம் திகதி இடம்பெற்ற 2022ஆம் ஆண்டுக்கான ஆசியக்கிண்ண கிரிக்கெட் தொடரின் இறுதிப்போட்டியில் இலங்கை அணி 23 ஓட்டங்களால் வெற்றி பெற்றிருந்தது.
இதன்படி, 8 வருடங்களின் பின்னர் இலங்கை அணி ஆறாவது தடவையாக ஆசியக் கிண்ணத்தை சுவீகரித்த சந்தர்ப்பம் இதுவாகும்.
அந்த வகையில், ஆசியக் கிண்ணத்தை சுவீகரித்த இலங்கை அணியினர் விமானநிலையத்தை வந்தடைந்த நிலையில் இலங்கை கிரிக்கெட் வீரர்களுக்கு அமோக வரவேற்பளிக்கப்பட்டது.
ஆறாவது தடவையாக ஆசிய கிண்ணத்தை வெற்றிக்கொண்ட இலங்கை கிரிக்கெட் அணிக்கு வாழ்த்துக்கள் குவிந்து வரும் நிலையில், இலங்கை கிரிக்கெட் அணியின் தலைவர் தசுன் ஷானக ஆசிய கிண்ண வடிவில் கேக் வெட்டி கொண்டாடிய புகைப்படங்கள் சமூக ஊடகங்களில் வைரலாகியுள்ளது.