17ஆவது அரசியல் அமைப்புத்திருத்தம் குறித்து பேசுவதில்லை,ஜெனரல் சரத்தை பொன்சேகாவை விடுதலை செய்வது குறித்து பேசுவதில்லை. மற்றும் இரண்டு கட்சிகளின் உறுப்பினர்கள் கட்சி தாவ இடமளிப்பதில்லை எனவும் இரு தலைவர்களும் இரகசியமான இணக்கத்துக்கு வந்துள்ளனர்.

ஐக்கிய தேசியக் கட்சிக்குள் ஏற்பட்டிருந்த நெருக்கடி எவ்வித பிரச்சினைகளும் இன்றி அண்மையில் முடிபுக்கு வந்தது. இதனை போலவே ஜனாதிபதி மகிந்த ராஜபக்ச தனது இருப்பினை நீடித்துக் கொள்வதற்காக மேற் கொண்டு வரும் அரசியலமைப்புத் திருத்தங்களின் போது ஐக்கிய தேசிய கட்சியின் ஆதரவு கிடைக்கும் என கூறப்படுகிறது.

அதேவேளை அரசாங்கத்திற்கு இருக்கும் மக்கள் ஆதரவு குறையும் முன்னர் அரசியலமைப்பு திட்டங்களை நாடாளுமன்றத்திற்கு சமர்பிக்க அரசாங்கம் எண்ணியுள்ளதாக தெரியவருகிறது. ஐக்கிய தேசியக் கட்சியின் ஆதரவுடன் அரசியலமைப்புத்திருத்தங்கள் நிறைவேற்றப்பட்டாலும் சர்வஜன வாக்களிப்பு நடத்தப்பட்டால் அரசாங்கம் தொடர்பான அதிருப்தியை மக்கள் வெளியிடக் கூடும் என எதிர்க் கட்சியின் தலைவர்கள் சிலர் கருதுகின்றனர்.

ஜனாதிபதி இந்தியாவுக்கு வழங்கியுள்ள உறுதி மொழிக்கமைய புதிய அரசியலமைப் புத்திருத்தங்கள் மாகாண சபைகளுக்கு காணி, காவற்றுறை அதிகாரங்கள், நிதி அதிகாரங்கள் அதிகரித்தல் போன்றவையும் உள்ளடக்கப்பட்டுள்ளதாக தெரியவருகிறது. இதன் மூலம் விமர்சனங்களை முன்வைத்து வரும் இடதுசாரி கட்சிகளின் ஆதரவும் அரசாங்கத்துக்குக் கிடைக்கும் என கூறப்படுகிறது.