பல்கலைக்கழக பேராசிரியர் மற்றும் விரிவுரையாளர் சங்கத்தினால் இந்த அடையாள வேலை நிறுத்தம் முன்னெடுக்கப்பட உள்ளது.

அரசாங்கப் பல்கலைக்கழகங்களில் சுமார் 4000 விரிவுரையாளர்கள் கடமையாற்றி வருவதாகவும், இரண்டு வருடமாக நீடித்து வரும் சம்பளப் பிரச்சினைக்கு இதுவரையில் உரிய தீர்வுத் திட்டம் கிடைக்கப்பெறவில்லை எனவும் தொழிற்சங்கங்கள் குற்றம் சுமத்தியுள்ளன.

அரசாங்கம் காலத்திற்கு காலம் சம்பள உயர்வு குறித்து கருத்துக்களை வெளியிட்ட போதிலும், இதுவரையில் எவ்வித நடைமுறைச் சாத்தியமான தீர்வினையும் வழங்கவில்லை என தொழிற்சங்கம் சுட்டிக்காட்டியுள்ளது.

இதன் காரணமாகவே அடையாள வேலை நிறுத்தப் போராட்டமொன்றை நடத்தத் தீர்மானித்ததாக பல்கலைக்கழக பேராசிரியர் தொழிற்சங்க பொதுச் செயலாளர் பேராசிரியர் ரொஹான் பெர்னாண்டோ தெரிவித்துள்ளார்.