ஐக்கிய நாடுகள் செயலாளர் நாயகம் பான் கீ மூனுடன் ஆலோசனைகளை நடத்திய பின்னர் நேற்று அதிகாலை இலங்கை திரும்பிய ஐக்கிய நாடுகள் வதிவிட பிரதிநிதியும் ஒருங்கிணைப்பாளருமான நீல் பூஹ்னே வெளிவிவகார அமைச்சர் பீரிஸை சந்தித்து பேசினார் என்று வெளி விவகார அமைச்சு வட்டாரங்கள் தெரிவித்தன.

ஐக்கிய நாடுகள் செயலர் மூனிடமிருந்து கொண்டு வந்த செய்தி ஒன்றை பூஹ்னே அமைச்சர் பீரிஸிடம் கையளிப்பாரென தெரிவிக்கப்பட்டிருந்தது.

இலங்கையில் பணியாற்றும் ஐக்கிய நாடுகள் அலுவலர்கள் நல்ல முறையில் நடத்தப்படுவார்கள் என்பதும் இடம்பெயர்ந்தவர்களை மீளக் குடியமர்த்துதல், அரசியல் நல்லிணக்கத்தை ஏற்படுத்துதல், பொறுப்பு சொல்லும் கடப்பாட்டை கடைப்பிடித்தல் ஆகியன உட்பட மே மாதம் 29 ஆம் திகதி கைச்சாத்திடப்பட்ட கூட்டு அறிக்கையில் உறுதியளிக்கப்பட்ட விடயங்களின் முன்னேற்றம் போன்ற விடயங்களின் வலியுறுத்தும் ஐக்கிய நாடுகள் சபை செயலாளரின் செய்தியை பூஹ்னே,பீரிஸிடம் கையளித்ததாக தெரிவிக்கப்பட்டுள்ளது.

எனினும் இந்த சந்திப்பு தொடர்பில் இலங்கை அரசாங்கத்தின் சார்பில் இன்னும் தகவல் எவையும் வெளியிடப்படவில்லை