ஜீ.எஸ்.பி பிளஸ் வரிச் சலுகைத் திட்டத்தை பெற்றுக் கொள்வதற்காக இலங்கையின் சுயாதீனத் தன்மையை இழக்கத் தயாரில்லை என இளைஞர் விவகார அமைச்சர் டலஸ் அழப்பெரும தெரிவித்துள்ளார்.

வரிச் சலுகைத் திட்டத்தை ரத்து செய்வதன் மூலம் நாட்டின் அபிவிருத்தியை தடுக்க முடியும் என சிலர் நினைப்பதாகவும் அதற்கு எந்த வகையிலும் இடமளிக்கப்பட மாட்டாது எனவும் அவர் சுட்டிக்காட்டியுள்ளார்.

விடுதலைப் புலிகளுக்கு ஆதரவளிக்கும் சில நாடுகள் இலங்கைக்கு அழுத்தங்களை பிரயோகிக்க முனைப்பு காட்டி வருவதாக அவர் தெரிவித்துள்ளார்.

வரிச் சலுகைத் திட்டத்தை ரத்து செய்து அதன் மூலம் இலங்கையை நிர்க்கதியாக்க மேற்கொள்ளப்படும் முயற்சிகள் வெற்றியடையாது என அவர் குறிப்பிட்டுள்ளார்.

நாவலப்பிட்டியில் நடைபெற்ற நிகழ்வு ஒன்றில் கலந்து கொண்ட போது அவர் இதனைத் தெரிவித்துள்ளார்.