வெளிநாடுகளில் தொழில் வாய்ப்புப் பெற்றுச் செல்வோருக்காக புதிய காப்புறுதித் திட்டமொன்று உருவாக்கப்பட்டுள்ளதாக வெளிவிவகார அமைச்சர் ஜீ.எல்.பீரிஸ் தெரிவித்துள்ளார்.

வெளிநாடுகளில் பணியாற்றும் இலங்கையர்கள் ஏதேனும் இடர்களை எதிர்நோக்கினால் அவர்களுக்கும் அவர்களது குடும்பத்தாருக்கும் நிவாரணங்களை வழங்கும் நோக்கில் இந்த காப்புறுதித் திட்டம் உருவாக்கப்பட்டுள்ளது.

இந்தக் காப்புறுதித் திட்டம் முழுக்க முழுக்க சேவை நோக்கத்தை முதன்யைமாகக் கொண்டதென அவர் தெரிவித்துள்ளார்.

காப்புறுதித் திட்டத்தை முன்னெடுப்பது குறித்து இலங்கைக் காப்புறுதிக் கூட்டுத் தாபனத்தின் தலைவருடன் ஏற்கனவே பேச்சுவார்த்தை நடத்தப்பட்டுள்ளது.

இலங்கை வெளிநாட்டு வேலை வாய்ப்புப் பணியகத்தின் இரத்தினபுரி கிளையை அங்குரார்ப்பணம் செய்து வைத்து உரையாற்றிய போது அவர் இதனைக் குறிப்பிட்டுள்ளார்.