அவர் மேலும் தெரிவித்ததாவது:

இனப்பிரச்சினை தொடர்பாக ஆராயும் பொருட்டு அமைக்கப்பபட்ட சர்வகட்சி குழுவானது 128 தடவைகளாக கூடி ஆராய்ந்த போதும் தழிழர்களுக்கு அதனால் தற்போது எதுவித பலாபலனும் இல்லை மாறாக பொது மக்களுக்கான ஒரு காட்சிப்பொருளாகவே தென்படுகின்றது.

இக்குழுவின் அறிக்கை தொடர்பாக மலையக மக்கள் முன்னணியைச் சேர்ந்த திரு யோகராஜனும்  இலங்கை முஸ்லிம் காங்கிரஸ் செயலாளர் அவர்களும் கூறிய கருத்துக்களும் இக்குழுவின் தலைவர் திஸ்ஸ விதாரண அவர்கள் கூறிய கருத்துக்களும் ஒன்றுக்கொன்று முரணானவையாக இருக்கின்றன. மேலும் இக்குழுவின் அறிக்கை தற்போது ஜனாதிபதியிடம் சமர்ப்பிக்கப்பட்டுள்ளதே தவிர உத்தியோக பூர்வமாக இன்னும் வெளியிடப்படவில்லை.

எனவே இந்த குழுவின் அறிக்கையும் தமிழ் மக்களை ஏமாற்றுவதற்கான ஒரு செயற்பாடாகவேதான் அமைந்துள்ளது.

1956 ஆம் ஆண்டு தொடக்கம் இவ்வாறுதான் தமிழ் மக்கள் ஏமாற்றப்படுகிறார்கள் என்பதை சர்வதேசமும் குறிப்பாக இந்தியாவும் இப்போதாவது புரிந்துகொள்ளவேண்டும் என அவர் மேலும் குறிப்பிட்டார்.